CAST | GAL

VOZ NATURA EN ACCIÓN

Actividades   |   Voz Natura en acción

 

ECO-RETOS Voz Natura


No 25 aniversario de Voz Natura, animámosvos a participar nesta actividade co obxectivo de seguir impulsando a acción e concienciación ambiental.

Como?
É moi sinxelo. Só tedes que mostrarnos en redes sociais o que estades a facer... Porque sabemos que facedes moito polo medio ambiente!

Cada mes, propoñémosvos un reto-25: plantar 25 árbores ou plantas; recoller 25 latas do parque, praia, río ou bosque; limpar 25 metros de calquera ecosistema; 25 ideas para concienciar, reciclar 25 envases en casa, o cole, etc.; recoller 25 kg de papel, pilas,… ou calquera outra acción ambiental que se vos ocorra. E, todo isto, para facer no cole, en casa, con amigos, etc. 

Cando o consigades, sacades unha foto ou facedes un vídeo cortito (menos dun minuto) e subídelo a Facebook ou a Instagram, engadindo o  hashtag  #Accion25VozNatura e o  hashtag de cada mes. E... Non vos esquezades de  etiquetar cada foto ou vídeo con: @voznatura para que podamos ver todo o que publicades! 

***************************************************************************************************************

Neste mes de xuño, o reto é: Presumimos de todo o que levamos feito durante o curso e mostrámolo ao mundo a través das redes sociais. Hashtag: #RetoPresumimos.

É dicir, todas as fotos, vídeos e contidos compartidos nas vosas redes sociais ao longo do mes, deben ir acompañados dos hashtags #Accion25VozNatura y #RetoPresumimos (ademais de etiquetarnos con: @voznatura).

Co reto deste mes pechamos o ciclo de eco-retos da 25 edición de Voz Natura.

Foi unha experiencia enriquecedora compartir os nosos logros ambientais!