CAST | GAL

O REPORTEIRO

Centros Voz Natura | Aventuras

 

Nesta sección poderedes atopar información diaria e in situ dos proxectos ambientais que se están levando a cabo nos distintos centros participantes. Non cho podes perder, se cadra o noso reporteiro xa visitou o teu colexio ou está preto, mírao no mapa!
AVENTURAS RECENTES

Unha gran idea

Unha gran idea

Na Escola Infantil Raíña Lupa de Boqueixón teñen grandes ideas. Os pequenos do centro recollen as augas pluviais cun paraugas do revés que decanta a choiva nun bidón. Así poden regar a súa horta!

Unha horta na cidade

Unha horta na cidade

O CEIP Salgado Torres é un dos mellores exemplos de aproveitamento de espazos en contorna urbana. Todo o centro participa no horto e os resultados son estupendos!

Reutilizando contenedores

Reutilizando contenedores

No CEIP Baño-Xanza aproveitan todas as oportunidades o seu redor para demostrar que se pode reutilizar todo. Estes colectores de lixo vellos teñen unha nova vida como bancales, e dan un resultado estupendo! Ademais son transportables dunha maneira moi cómoda grazas ás rodas. Todo son vantaxes, recomendámosvolo.

Ecopatrullando!

Ecopatrullando!

Os alumnos e alumnas do CPR Sagrado Corazón de Placeres, en Pontevedra, patrullan o centro e a súa contorna para limpalo de lixo. Desde 1º de Primaria até 4º da ESO, todos implícanse nesta labor non só de acción directa sobre o medio, senón tamén concienciadora. As ecopatrullas son unha das iniciativas máis valoradas desde Voz Natura, encántanos ver como cada día hai máis!

A horta do Escultor Acuña

A horta do Escultor Acuña

Unha das hortas e xardíns que máis nos gusta visitar é a do CEIP Escultor Acuña en Vigo. Nela podemos ver diferentes tipos de cultivos, flores, froiteiras e até un pequeno viveiro de árbores. Todo iso nun contexto urbano, demostrando que aquí tamén se pode reverdecer o centro. Neste vídeo resumen moi ben as súas actividades, merece a pena velo!

Cultivando con Xaruma

Cultivando con Xaruma

A Asociación Xaruma de Vigo móstranos os seus cultivos de espárrago e tirabeques entre outras delicias. Tamén podemos ver lavanda e salvia entre as súas aromáticas. Non deixedes de visitar a súa páxina para seguir as actividades que levan a cabo durante o curso, moi recomendable!

Compostar e plantar

Compostar e plantar

Os alumnos e alumnas da Escola Infantil Vila Laura de Vigo producen o seu propio compost cos restos das merendas para logo botarllo á horta. Os resultados son moi bos: berenxenas, leitugas e moitas plantas con flor para atraer insectos polinizadoras e encher o centro de cor. Encántanos!

Limpando o río Lagares

Limpando o río Lagares

Os alumnos e alumnas do Grupo Educativo Castro - San Miguel de Vigo participaron nunha xornada de limpeza da contorna do río Lagares e a súa xunqueira. Este lugar de especial sensibilidade é coidado por varios centros Voz Natura que se encargan de mantelo limpo durante o curso. Isto si que é traballo en equipo!

Transformar para mellorar

Transformar para mellorar

Estes son algúns dos lemas da exposición do CEIP de Rebordáns de Tui para concienciar sobre a necesidade de reciclar e reutilizar. Fagamos caso aos seus alumnos e alumnas porque teñen toda a razón: se os residuos transformas, o planeta melloras. Esgótase o tempo!

Coñecendo a flora invasora

Coñecendo a flora invasora

O CEIP de Caión gozou dunha xornada moi interesante en colaboración coa Asociación Amabul para o coñecemento da flora invasora. Ademais do obradoiro, aprenderon a través dunha exposición temporal. 

A horta do CEIP A Doblada

A horta do CEIP A Doblada

O colexio vigués segue demostrando a súa capacidade para aproveitar espazos nunha contorna urbana, pero sobre todo unha enorme participación nas súas actividades ambientais. Todo o centro está implicado no horto en todas as súas formas: bancales elevados, botellas de plástico e caixas recicladas ou plantacións en vertical. Todo o alumnado goza no CEIP A Doblada!

Unha horta histórica

Unha horta histórica

Así podemos chamar á horta do CEIP de Rubiáns en Vilagarcía sen ningunha dúbida. 24 anos ininterrompidos nos que as varias xeracións de escolares tiveron a oportunidade de plantar, como nesta ocasión, cenorias, cabazas, fresas ou leitugas entre outras. Ademais, renovaron o patio interior do centro con resultados estupendos. Parabéns pola traxectoria!

As árbores florecen

As árbores florecen

O CEIP N°1 de Tui móstranos o florecemento das súas árbores: cerdeira, maceira, nogueira, avellano, paraguaio... encántanos ver tanta diversidade e sobre todo, tantas froiteiras. Sempre vos recomedamos estas árbores para plantar no centro!

Plantacións accesibles

Plantacións accesibles

A horta da Escola Infantil San José de Borreiros é un exemplo de accesibilidade para os máis pequenos que cada vez vemos máis repetido nos centros escolares. Os bancais elevados permiten traballar con máis comodidade e delimitar os cultivos mellor. Recomendámosvolo!

Recollida de basura

Recollida de basura

As patrullas do CEIP Xosé Neira Vilas de Gondomar recolleron 26 quilos de desperdicios na súa batida a mediados de mes. Máis tarde expona neste "comelixo" para concienciar ao alumnado sobre a magnitude do problema. Todo un exemplo!

O xardín do IES Pedro Floriani

O xardín do IES Pedro Floriani

O instituto de Redondela continúa ampliando o seu proxecto de xardín no que xa contan con distintas especies arbóreas e un horto con compostera. Pronto crearán unha aula de natureza que servirá para dar clases, e tamén para que os alumnos e alumnas do centro gocen dos espazos exteriores do centro.


Sementeiros na clase

Sementeiros na clase

Este é o recibimento que nos deu o CEIP de Reboreda en Redondela, ensinándonos non só os seus sementeiros senón tamén o seu cultivo de cogomelos en interior. Cando crezan as súas plantas terán a oportunidade de trasladalas ao seu horto, esperamos impacientes o resultado!

O xardín das lembranzas

O xardín das lembranzas

O xardín das lembranzas é unha bonita iniciativa do CEIP Porto Cabeiro de Vigo, deseñado e plantado polos seus alumnos e alumnas, demostrando que ás veces a natureza pode ter unha carga simbólica que nos ensine valores en sociedade.

Identificando especies

Identificando especies

No IES A Sangriña da Guarda comezan o seu proxecto de identificación de especies arbóreas do centro. A primeira fase, a de procura de información, realízana a través de grupos de catro facendo uso dos ordenadores e guías de natureza da súa biblioteca. Seguiremos moi atentos este proxecto!

Recuperando espazos

Recuperando espazos

No CEIP Frei Luís de Granada de Sarria tiveron que superar moitas adversidades para ver o seu proxecto florecer, por iso prodúcenos especial satisfacción cando o proxecto avanza. Xa se empezan a ver os froitos da recuperación dun patio interior que os alumnos e alumnas axardinarán, e mesmo utilizarán como aula ao aire libre. Nesta vida hai que ser persistente e positivo, todo un exemplo!

Restauración ambiental

Restauración ambiental

A Sociedade Galega de Historia Natural cumpre sete anos traballando nun proxecto de restauración ambiental nas Gándaras de Budiño, O Porriño. Da man de Voz Natura conseguiron reforestar con especies autóctonas e crear unha charca no lugar onde se atopaban as ruínas dun edificio abandonado. Todo un traballo que hoxe continúa e, por moitos anos máis!

Mulleres científicas

Mulleres científicas

No CPR La Inmaculada de Ponteareas sorprendéronnos con esta marabillosa exposición no centro lembrando ás mulleres que dedicaron a súa vida á ciencia. A divulgación dos seus fitos é coñecemento necesario, unha bonita homenaxe, e sobre todo marca o camiño para aquelas alumnas que seguirán os seus pasos. Parabéns pola iniciativa!

Reutilizando

Reutilizando

Os alumnos do CEIP de Lagostelle en Guitiriz aproveitan calquera recurso para plantar. Nesta ocasión reutilizan uns neumáticos vellos para reconvertelos en xardineiras e enchelas de pensamentos.

Economía circular

Economía circular

No Centro de Educación Especial Terra de Ferrol dannos unha lección de circularidad. As súas galiñas producen non só os ovos que consomen no centro, senón tamén o abono que nutre o seu invernadoiro. Dese invernadoiro saen as verduras que van parar á cociña, e esta devolve os restos á compostadora. Todo se aproveita e péchase o círculo. E ademais tamén lles dá tempo a crear o seu propio viveiro de árbores!

Cada espazo conta

Cada espazo conta

Na Escola Infantil Os Meniños de Ferrol saben que cada xesto conta e cada espazo é importante, por iso sempre plantan cos máis pequenos nas macetas do seu patio urbano. Reverdecer o centro é fundamental, e sobre todo contar con lugares nos que os alumnos e alumnas poidan gozar e aprender da natureza, en todas as súas formas!

Xardinería no CEE María Mariño

Xardinería no CEE María Mariño

No CEE María Mariño da Coruña traballan sen descanso. Os seus proxectos son múltiples e todos de gran interese, desde a creación dunha pérgola até o axardinamento do centro pasando polo mantemento do seu estanque. Pero sen dúbida destacamos a colaboración co IES Ramón Menéndez Pidal na plantación de árbores froiteiras e fieitos arborescentes. Está claro, estas mozas e mozas son todo un exemplo para a sociedade.

Arte e natureza

Arte e natureza

No CEIP San Cosme de Barreiros escolleron unha temática que mestura arte e natureza para celebrar o entroido. Con elementos de reciclaxe foron confeccionando os seus traxes, entre os que podemos ver ás Meninas de Velázquez ou os famosos cadros de Arcimboldo. Creatividade ao poder!

¡Entroido!

¡Entroido!

Os alumnos e alumnas do CEIP Magaláns de Dorrón celebraron o entroido dunha maneira moi especial, todos vestidos de espantallo e limpando a praia de residuos! Non se nos ocorre mellor maneira de aproveitar o bo tempo dun día de celebración que coidando a súa contorna natural. Parabéns pola iniciativa!

Tomando medidas

Tomando medidas

No CEIP de Lagostelle en Guitiriz aproveitan o seu horto para todo, mesmo para traballar as matemáticas tomando medicións do tamaño das súas leitugas e repolos. A primeira ollada vese o moito que crecen! Cando chegue a colleita poderán dicirnos exactamente canto. 

Eco-héroes e Eco-heroínas

Eco-héroes e Eco-heroínas

Estas son as medallas que se gañaron os alumnos e alumnas do CEIP Gregorio Sanz de Ribadeo pola súa labor ambiental no centro. Os distintivos van en consonancia co reto Voz Natura de febreiro, aforramos enerxía: vixiar o aceso e apagado de luces, administrar o papel ou revisar que os computadores queden apagados son algunhas das súas tarefas.

Plantando pensamentos

Plantando pensamentos

O CPR San Pío X de Ourense tamén escolleu esta bonita actividade como fío condutor do Día de Rosalía. Aquí vemos aos alumnos e alumnas do centro plantando 25 pensamentos, a planta favorita da escritora.

Día de Rosalía

Día de Rosalía

No CEIP  A Gándara de Monforte de Lemos celebraron o Día de Rosalía plantando pensamentos. Os alumnos e alumnas de 4º de Primaria foron os encargados de levar a cabo a actividade mentres que os de 5º regáronos. Este é un dos moitos exemplos de centros Voz Natura que escolleron lembrar á nosa escritora máis insigne a través dunha plantación, reforzando a idea de que o medioambiente e a natureza son transversais, e sérvennos para tratar todos os temas e contidos do curso.

Recolector casero

Desde a Escola Infantil Raíña Lupa de Boqueixón cóntannos o seu último proxecto: "Fabricamos un recolector de auga caseira para recoller a auga da choiva e poder aproveitala para regar a nosa horta. Empregamos un paraugas, unha mangueira e un cubo de basura cunha billa." Un invento estupendo, tomade nota!

Bancales listos

Bancales listos

No CEIP Fondo Nois teñen os seus bancales exteriores listos para enchelos de terra e empezar coas plantacións. O invernadoiro xa está a funcionar e tamén os froitos do bosque plantados na zona arborada do centro. Encántanos ver como se transforman os espazos escolares aos poucos, engadindo elementos e recursos ambientais co paso dos anos. 

Recoller e plantar

Recoller e plantar

Así funciona o horto do CEIP A Dobrada, sen descanso! Os alumnos de 3° de Primaria achegáronse a recoller cóengos e apio e plantaron leitugas e patacas. Todo o centro participa e goza desta actividade que xa é aceno de identidade do colexio.

Galicia para gozar

Galicia para gozar

Desde Voz Natura levamos 25 anos defendendo non só a educación ambiental senón tamén os tesouros naturais de Galicia, como as montañas de Courel, que nos regalan paisaxes dos que extraer algún ensino: coñecer é aprender a querer, querer é protexer. Entre todos, coidemos os nosos ecosistemas, será o noso mellor legado.

As sementes máxicas

As sementes máxicas

No CEIP Ricardo Gasset do Incio celebraron o Día da Paz plantando unhas sementes máxicas que cando xerminan, descóbrennos bos desexos. Agora toca coidar e regar esas plantas, tal e como o fariamos con esa semente que representa a paz. Unha actividade simbólica moi bonita!

Acércase o Entroido

Acércase o Entroido

No CEIP Antonio Fernández López de Oural xa empezan a preparar o Entroido, este ano con materiais reciclados. Encántanos ver a transversalidade das actividades ambientais, participes de todas as iniciativas escolares e sempre presentes. Tras 25 anos podemos constatar como cambiou todo, e a mellor!

Plantando en el huerto

O alumnado do CPI Progreso de Catoira aproveitou o bo tempo para saír a plantar no seu horto. Agora toca coidar o plantado e esperar ao momento máis gratificante de todos, a colleita. Encántanos ver como todos participan facéndose cargo das súas plantas, recuperando un espazo produtivo para o centro como eran os xardíns das antigas casas escolares e sobre todo, como gozan!

Biorrefuxios en Mende

Os alumnos e alumnas do CPI José García de Mende, en Ourense, seguen creando os seus biorrefuxios con materiais naturais, algúns tan impresionantes como este cortizo de árbore que servirá para dar cabida a morcegos.

A Carballeira de Santa María

A Carballeira de Santa María

A aula de natureza do CEIP Curros Enríquez de Celanova está neste máxico lugar, a carballeira de Santa María, onde o trino dos paxaros é incesante e acoden visitantes moi especiais a gozar da sombra dos seus carballos. 

Aprendendo sobre as árbores

Aprendendo sobre as árbores

No CEIP de Seixalbo de Ourense recibíronnos coas mans abertas uns días despois da plantación das súas novas árbores: cerdeiras e maceiras xa forman parte do patio do centro. Ao redor deles xuntámonos para charlar sobre as árbores e a súa importancia, algunhas das súas características e sobre todo, como lles está afectando o cambio climático. Foi unha xornada estupenda, grazas polo recibimento!

O Bosque do Seminario

O Bosque do Seminario

El CPR Seminario Diocesano Menor de Ourense continúa recuperando su bosque, un espacio en el que erradican especies invasoras, plantan árboles autóctonos, abren caminos, colocan paneles informativos y hasta crean su propio mobiliario. Un fantástico ejemplo es este banco desde que Álvaro, el coordinador del proyecto, disfruta de unas maravillosas vistas de la ciudad. 

Comedeiros para paxaros

Comedeiros para paxaros

Un Carboeiro Común aliméntase grazas a esta bolsa colocada na Aula da Natureza do río Miño en Ourense. Sempre vos animamos a achegarvos a este estupendo lugar, participar das súas actividades e aprender máis sobre medioambiente. 

Naturilusións

Naturilusións

Dentro desta caixa están as ilusións ambientais do CEIP Padre Feijóo de Allariz. Cada clase reciclará uns vasos de iogur para facer sementeiros que logo levarán á súa horta. Estes packs permiten a cada aula traballar con liberdade e autonomía á hora de escoller que plantar e cando facelo. Facilitar o traballo e crear un contexto flexible axuda a participar a todos no proxecto. Parabéns pola idea!

Podando

Podando

Os alumnos e alumnas do CEIP Monte Baliño de Ferreira de Pantón atrévense a todo, até a podar! E hai que ver a maña que teñen para todas as actividades: reciclan, plantan árbores, arbustos e aromáticas, coidan do seu horto e moitas actividades máis dentro do seu proxecto, que xa cumpre quince anos connosco!

Punto de reciclaxe

Punto de reciclaxe

Os centros escolares con compromiso ambiental, como é o caso do CEIP Manuel Respino da Rúa, serven de punto de recollida de pilas, converténdose nunha referencia en materia de reciclaxe.

Reciclando

Reciclando

Esta é a exposición de material de laboratorio con elementos reciclados que realizou o CPR Compañía de María de Vigo, unha maneira estupenda de recoñecer cada ferramenta e a súa utilidade. Encántanos!

El monte vivo

El monte vivo

Recomendámosvos visitar a páxina web do IES Ponte Caldelas, na que atoparedes un espectacular proxecto de custodia do territorio, diverso, altamente participativo e moi concienciador. A Asociación A Rente do Chan, o CFEA de Lourizán, a Comunidade de Montes de Cuñas e un equipo de voluntarios, incluídas familias de alumnos, impulsan o Monte Vivo en Ponte Caldelas. 

Patios vivos e inclusivos

Patios vivos e inclusivos

No CEIP de Castrelo en Cambados marcan o camiño cara a uns patios máis vivos e inclusivos, con elementos naturais e reciclaxes e en harmonía coa súa contorna. Podemos ver claramente como cambiou a relación que teñen os alumnos coa natureza, e tamén co xogo durante o seu tempo fora da aula.

A verdura de inverno

A verdura de inverno

É o tempo de plantar a verdura de inverno e no CRA de Ribadumia sábeno: porros, coliflor, brécol, leitugas... todo cabe no seu invernadoiro, afeito dar colleitas estupendas ano tras ano. 

Naturezaula

Naturezaula

Naturezaula é un proxecto que este ano cumpre unha década da man de Voz Natura, varias xeracións de alumnos e alumnas pasaron xa polo CPR María Auxiliadora - Salesianos de Ourense gozando e aprendendo das accións ambientais que xa son un referente para nós. Animámosvos a visitar a súa páxina web, na que podedes atopar actividades tan interesantes como este miniviveiro de árbores ou os seus xa coñecidos roteiros didácticos. 

Patrullas verdes

Patrullas verdes

Así podemos chamar ao alumnado do CEIP Xosé Neira Vilas de Gondomar polo seu excelente labor de limpeza da contorna e a súa gran concienciación. Durante a hora que durou a saída recolleron 36,8 quilos de lixo, crearon carteis sensibilizadores e finalmente  fixeron estes bonitos mandalas con elementos naturais. 

Naturvitalia

Naturvitalia

Así se chama este estupendo proxecto da Asociación Avelaíña de Baiona. Nesta xornada de reforestación coa Comunidade de Montes de Camos, Rexeneración Autóctona do Valmiñor e o CEIP da Cruz, plantáronse sementes recollidas e germinadas previamente. Un viveiro forestal que agora chega ao monte grazas a esta colaboración que se expón un camiño de concienciación ambiental.

Limpando a praia

Limpando a praia

Os escolares do CEIP Ramón Otero Pedrayo da Laracha achegáronse até á praia de Caión para realizar unha limpeza co centro desta localidade e o CEIP Alfredo Brañas de Paiosaco. Encántanos ver como estas actividades colaborativas prodúcense cada vez con máis frecuencia, desde Voz Natura sempre vos animamos a colaborar con outros colexios e asociacións. Unidos somos máis fortes!

As utilidades da horta

As utilidades da horta

Sempre defendemos os hortos escolares como ferramentas pedagóxicas con infinitas posibilidades: transversais, multidisiciplinares e coa capacidade de tratar moitísimos contidos para todos os niveis. No CEIP de Lagostelle en Guitiriz móstrannos unha forma máis, introducindo o cálculo e o concepto de decena cos máis pequenos a través das pipas de xirasol. 

Cidades sustentables

Cidades sustentables

Esta gran meta ten o alumnado do CEIP de Caión: zonas verdes, enerxías renovables e transportes sustentables fronte á polución e a contaminación, os residuos e a falta de zonas verdes do modelo de cidade que nin eles nin nós desexamos. Unha gran iniciativa de concienciación!

128 kiwis!

128 kiwis!

Esa foi, nin máis nin menos, a gran colleita de kiwis do CPR Padres Escolapios de Monforte de Lemos. Os froitos recollidos son o resultado dun gran traballo por crear un espazo verde no centro do que poder gozar e aprender: un invernadoiro, múltiples árbores, xardíns e até un gran colector para a recollida de pluviais se incorporaron co tempo. Que gran cambio!

A Carballeira de Santa María

A Carballeira de Santa María

Os alumnos e alumnas do CEIP Curros Enríquez de Celanova poden dicir con orgullo que esta fantástica carballeira é patrimonio de varias xeracións dos seus estudantes. Non se nos ocorre mellor aula de natureza na que aprender e investigar sobre a flora e fauna da súa contorna. 

Investigando

Investigando

Os escolares do CEIP San Cosme de Barreiros saíron a investigar sobre a flora e a fauna dun lugar tan emblemático na súa contorna natural como é Santo Estevo do Ermo. Crearon un herbario con diferentes follas de árbores e aprenderon a recoñecer algunhas dos cogomelos do camiño.

Ecoperegrinos de Dalila

Ecoperegrinos de Dalila

Estes ecoperegrinos preocúpanse polo planeta e así o demostran aprendendo a reciclar. Con esta actividade xa se gañaron unha insignia. A separación de residuos nunha das primeiras boas prácticas ambientais que se deben aprender desde a escola infantil.

Un proxecto completo

Un proxecto completo

Un proxecto multidisciplinar é o que levan a cabo neste centro pontevedrés: limpeza da praia dá Posta, creación de compost, recollida de follas secas, mazás e ourego? O CPR Sacro Corazón de Praceres, en Pontevedra, leva moitos anos demostrando o seu compromiso ambiental con actividades diversas, integradoras e formativas. 

Tempo de sementar

Tempo de sementar

Aproveitando a tregua climatolóxica nos Ancares, o alumnado do CPI de Cervantes saíu ao horto a arar e plantar verzas. Seguiremos con antención a evolución da súa horta durante este curso, o seu primeiro en Voz Natura!

Ecopatrullando

Ecopatrullando

Os alumnos e alumnas do CEIP Monforte de Lemos saíron ao patio a limpar polo Día Mundial da Protección da Natureza. Para completar a xornada aprenderon unha serie de consellos para axudar ao planeta e terminaron elaborando un mural.

Limpando a contorna

Limpando a contorna

Os alumnos e alumnas do CEIP de Celeiro aproveitaron o bo tempo para saír a limpar a súa contorna. Os lugares máis coñecidos da parroquia quedaron impolutos grazas ao seu traballo. Parabéns!

Arte e natureza

Arte e natureza

Durante esta época do ano encántannos as actividades que estimulan a creatividade artística relacionada coa natureza. Os alumnos do CRA de Oroso crearon estas pezas con motivos otoñales e elementos naturais. Encántanos!

Unhas papeleras especiais

Unhas papeleras especiais

Estas papeleiras foron feitas a man polos usuarios de Aspadisol en Oleiros. Cada unha terá a súa propia cor para poder separar os residuos adecuadamente. Doaranas a un centro escolar, como xa fixeron noutras ocasións con bancales de cultivo ou trampas para velutinas entre moitas outras. Un centro ocupacional no que sempre están dispostos a axudar aos demais! Son todo un exemplo.

Qué planta é?

Qué planta é?

Con este divertido xogo os alumnos e alumnas do CEIP Portofaro de Cambre descobren as diferentes plantas que hai no seu invernadoiro. A colleita será doada para persoas en situación de vulnerabilidade demostrando, ademais, o seu carácter máis solidario. Parabéns ao centro pola inciativa!

Ecopatrullas

Ecopatrullas

As ecopatrullas do CEIP de Marcón de Pontevedra comezan a funcionar. Aquí vémoslles separando os residuos atopados no patio nas papeleiras de tres cores. As patrullas verdes son unha actividade perfecta para que o alumnado adquira boas costumes e hábitos ambientais ao longo de todo o curso, sentíndose parte dun grupo especial que coida e protexe a súa contorna.

Saquiños de lavanda

Saquiños de lavanda

No CEIP de Paradai de Lugo aproveitaron o mes de outubro para facer saquiños de lavanda recollidas das xardineiras do centro. Unha actividade moi interesante e divertida para os máis pequenos, recomendámosvola!

Cabazas de Samaín

Cabazas de Samaín

Esta é unha época do ano que nos encanta en Voz Natura, sobre todo pola oportunidade de apreciar a creatividade dos alumnos e alumnas e as súas familias á hora de crear as súas cabazas de Samaín. No CEIP Almirante Juan de Lángara de Ferrol ademais están concienciados. Reducir, reutilizar e reciclar!  

Recollendo castañas

Recollendo castañas

Os máis pequenos do CEIP Cabada Vázquez da Estrada sacan todas as súas ferramentas para recoller as castañas do patio. Algúns levan ata carretilla!

O outono no Camiño

O outono no Camiño

Non se nos ocorre mellor maneira de celebrar a chegada do outono que cunha ruta polo Camiño de Santiago. Os escolares do CEIP de Sigüeiro aproveitaron para recoller lixo e vivir así unha xornada de concienciación activa. 

O Coto da Gaiteira crece

O Coto da Gaiteira crece

O CEIP Ramón de Valenzuela de Bandeira leva case sete anos no dura pero gratificante tarefa de rexenerar un espazo anexo ao centro. Un lugar infestado de especies invasoras e sen valor ambiental agora é un coto con máis de trinta exemplares catalogados, e que ademais aproveitan e gozan en todo o pobo. Parabéns polo traballo!

Vendimia no Colexio San Fernando

Vendimia no Colexio San Fernando

Os máis pequenos do CPR San Fernando de Vigo foron a recoller as uvas do seu horto para posteriormente facer zume de uvas en clase. Segundo cóntanos a coordinadora do proxecto, Marta: "estaba boísimo. Unha experiencia auténtica para o outono. Pasáronno xenial!".

Compostando en Palas de Rei

Compostando en Palas de Rei

Hoxe queremos compartir con toda a comunidade educativa este estupendo documento que a coordinadora do proxecto Voz Natura do CEIP Palas de Rei, Mónica, enviounos. Esperamos que vos sexa de gran utilidade dentro dos vosos programas de compostaxe no centro. 

Tremenda cabaza!

Tremenda cabaza!

Os profesores do CEIP A Dobrada en Vigo axudaron a recoller aos seus alumnos e alumnas as cabazas, e entre elas estaba este exemplar de entre 30 e 40 quilogramos. Impresionante!

Plantando en Monte Castelo

Plantando en Monte Castelo

O CEIP Vista Alegre de Burela achegouse até o Monte Castelo para vivir unha xornada moi interesante na que aprenderon sobre a mancomunidade de montes, as especies arbóreas que alí se poden atopar e a importancia de coidar a natureza. Finalmente realizaron unha reforestaciónen unha pequena zona do monte.

Limpiando a contorna

Limpiando a contorna

Os alumnos e alumnas do CEIP de Seixalbo saíron a limpar a súa contorna de lixo. Son este tipo de actividades as que nos parecen máis importantes polos múltiples valores que teñen, entre eles: coidar e aprender a respectar a natureza, ser máis conscientes da cantidade de desperdicios que se xeran e en que lugar acaban, exercitar o corpo, gozar da natureza, concienciar e sensibilizar a toda a comunidade educativa... Son todo vantaxes!

Un arboreto moi especial

Un arboreto moi especial

Este arboreto con máis de oitenta exemplares é o resultado dun camiño que o IES de Alfoz comezou con Voz Natura fai máis de vinte anos. Estamos moi orgullosos de contribuír á creación dun espazo tan singular. Plantar árbores no centro é un crear un patrimonio natural que gozarán moitas xeracións de alumnos e alumnas. Que visión máis marabillosa!

Zona de observación

Zona de observación

Encántanos esta zona de observación da biodiversidade creada polo CEIP Juan Rey de Lourenzá. Nela podemos atopar desde un hotel de insectos até gran variedade de especies arbóreas identificadas cos seus carteis. Os espazos naturais non só teñen un carácter didáctico, senón tamén lúdico e de protección da nosa propia contorna. Parabéns ao centro pola inciativa!

O Castro de Viladonga

O Castro de Viladonga

Coñecer o noso patrimonio é fundamental para coñecer a nosa historia. O Castro de Viladonga é un exemplo de asentamento destacado, sobre todo entre os séculos II e V d.C., moi importante para o coñecemento, estudo e comprensión do mundo castrexo tras a conquista romana.

Un xardín vertical

Un xardín vertical

Así nos recibe o CEIP Paradai de Lugo, con este marabilloso xardín vertical. Unha idea que permite aproveitar espazos e naturalizar aqueles recunchos do centro que carecen de verde. Encántanos!

O recuncho verde

O recuncho verde

Un dos lugares que máis nos gusta nos centros é o recuncho verde. Un espazo no que compartir con todo o alumnado e as familias as actividades, noticias e avances dos proxectos ambientais. Na Escola de Educación Infantil se Nogueira de Ramuin contan con este espazo na súa entrada que se irá enchendo de experiencias co paso do curso.

As familias participan en Allariz

As familias participan en Allariz

A Escola Infantil de Allariz ven de participar nunhas xornadas ambientais de limpeza de ríos. En palabras das coordinadoras do proxecto, Sara e Noelia: "O pasado domingo día 26 de Setembro o Centro de educación ambiental do Rexo coa axuda do Concello de Allariz, participou como cada ano na XIV limpeza simultánea de ríos "Mollate polos ríos" co obxectivo de deixalos libres de lixo, nunha xornada de voluntariado ambiental e concienciación social. Aproveitando a actividade coordinada polo centro de educación ambiental, dende a escola infantil quixemos participar, propoñéndolle colaborar as familias da Escola." E así o fixeron!

Carballa da Rocha

Carballa da Rocha

Este carballo de 33 metros de alto e 7 metros de perímetro situado no municipio de Rairiz de Veiga forma parte do catálogo de árbores senlleiras de Galicia. Coñecer estes tesouros naturais da xeografía galega anímanos a visitalos, marabillarnos coa súa beleza e por suposto, protexelos.

O Colexio Divina Pastora e Voz Natura, sempre da man

Gonzalo ensínanos os corredores cheos de historia do colexio Divina Pastora de Ourense. Unha longa historia da man de Voz Natura na que nunca deixaron de participar limpando ríos e montes, reciclando, reforestando e protexendo a natureza con centos de actividades que hoxe sería imposible enumerar. Unha marabillosa celebración destes 25 anos do programa!

Preparando o terreo

Preparando o terreo

Os alumnos e alumnas do IES Cidade de Antioquia de Xinzo limpan e preparan o terreo despois do verán para comezar as súas plantacións.

Patrulla Limpamundos

Os escolares de Pazos do CRA de Monterrei levaron a súa patrulla á praza para limpala de lixo. Actividades de concienciación ambiental como esta son o alicerce sobre o que se sustenta unha boa educación en valores, de respecto á natureza á nosa contorna. Encántanos a súa implicación!

A vendimar!

A vendimar!

No CRA Amencer de Ribadavia saben como levar a vendima ás súas escolas, traballando con estas fantastica actividade por equipos da que extraen, segundo din, un mosto dunha calidade inmellorable. 😉

A horta do CEIP Manuel Respino

A horta do CEIP Manuel Respino

Non hai nada máis gratificante despois dos labores de horta que recoller os froitos do traballo ben feito. Polo menos iso deben pensar os alumnos e alumnas do CEIP Manuel Respino da Rúa de Valdeorras. Encántanos verlles traballar con ese entusiasmo!

O incendio de Ribas de Sil

O incendio de Ribas de Sil

Nos colexios de Pobra do Brollón e San Clodio en Ribas de Sil non se falaba doutra cousa até hai dúas semanas, cando se conseguiu extinguir o incendio que arrasou con máis de 1500 hectáreas. O noso compromiso ten que ser firme coa concienciación da nosa sociedade, para previr e evitar estas catástrofes ambientais.

Castro de San Lourenzo

Castro de San Lourenzo

Os escolares do CEIP Pobra do Brollón levan anos traballando na protección do emblemático Castro de San Lourenzo baixo unha máxima clara: coñecer é querer, querer é protexer.

Recollendo a colleita

Recollendo a colleita

As alumnas e alumnas do CEIP Xosé Manuel Folla Respino de Vilamartín de Valdeorras aproveitan para recoller o que queda da súa colleita de verán. Tomates, pementos, calabacines e pepinos entre outros alimentos que plantaron na súa horta antes de irse de vacacións, e que agora teñen a oportunidade de gozar en setembro.

¡Comeza o curso!

¡Comeza o curso!

As visitas do Comité Científico polos 365 centros participantes comezan o 20 de setembro polo Barco de Valdeorras. Bo comezo de curso!

Síguenos en nuestras redes

¡No te pierdas nada!