CAST
|
GAL
 

Aberto o prazo de inscrición para o curso 19-20

Ata o próximo 15 de marzo está aberto o prazo de inscrición no próximo curso de Voz Natura. Os centros educativos e asociacións interesados en participar deben presentar antes desa data o proxecto ambiental que lles gustaría desenvolver durante o curso 19-20 ao amparo do noso programa. Un comité científico será o responsable de analizar e avaliar todas as propostas e, tamén, de cuantificar a axuda económica que Voz Natura achegará para levar a cabo o traballo.

Dentro do programa teñen cabida todo tipo de accións de carácter ambiental. O comité valora especialmente as de acción directa nos ecosistemas, dentro das posibilidades de cada equipo tendo en conta que poden participar alumnos desde infantil ata mozos. 

Para a próxima edición, a 23.ª, Voz Natura dará especial protagonismo ás actividades relacionadas coa eliminación dos plásticos. Proponse aos participantes que, xunto con outras actuacións inclúan nos seus proxectos actividades orientadas a reducir a produción e consumo de plásticos, buscando alternativas máis sostibles e respectuosas co medio ambiente. Valoraranse as limpezas na contorna para retirar plásticos e as accións para concienciar á sociedade sobre os efectos adversos que estes orixinan na saúde humana e nos ecosistemas.

Recomendámosche que consultes as bases dispoñibles nesta páxina e non esperes máis para presentarnos o teu proxecto a través do formulario de inscrición.