CAST | GAL

O REPORTEIRO

Centros Voz Natura | Aventuras

 

Nesta sección poderedes atopar información diaria e in situ dos proxectos ambientais que se están levando a cabo nos distintos centros participantes. Non cho podes perder, se cadra o noso reporteiro xa visitou o teu colexio ou está preto, mírao no mapa!
AVENTURAS RECENTES

Un mural para o Monte do Alba

Un mural para o Monte do Alba

O artista Roberto Argüelles pintou este marabilloso mural para a Escola Infantil Monte do Alba de Vigo. Encántanos ver como toda a comunidade implícase facendo a súa aportación aos proxectos do centro. O invernadoiro e as zonas axardinadas son agora espazos renovados e cheos de vida. Parabéns!

Investigando

Investigando

Non hai mellor maneira de coñecer a flora que investigando no campo, na contorna que che rodea. O alumnado do CEIP Antonio Fernández López de Ourol utilizou as súas tablets para fotografiar as distintas especies do patio. Logo buscaron información e presentárona en forma de herbario e cun código QR para completar o seu traballo. Agora están a investigar sobre os coidados para protexer as árbores do centro.

Coidando dos animais

Coidando dos animais

Na EEI Dalila de Pontevedra aprenden a coidar dos animais en colaboración coa Asociación Xoán XXIII. E aínda quedou tempo para plantar unhas coles!

Amorodos e leitugas no Crespo Rivas

Amorodos e leitugas no Crespo Rivas

A Escola Infantil Concepción Crespo Rivas de Pontevedra xa ten o seu invernadoiro cheo de amorodos e leitugas. Agora só queda esperar a que amainen as choivas para continuar as plantacións no exterior. A tan esperada choiva dá pouca tregua aos máis pequenos... de momento!.

Concienciando en Lourido

Concienciando en Lourido

Os alumnos e alumnas do CEIP de Lourido en Pontevedra tiveron unha fantástica idea para sensibilizar á comunidade escolar e ás familias na entrada do centro. Con diferentes elementos naturais e reciclados aconséllannos separar ben os residuos ou pechar correctamente as billas a través destas estupendas composicións coa súa mascota de protagonista.

Recollendo cogomelos

Recollendo cogomelos

Os alumnos e alumnas de xardinaría da CEE Saladino Cortizo de Vigo aproveitan o outono para recoller cogomelos. Unha das múltiples actividades que levan a cabo neste centro, que goza dun lugar privilexiado para reforestar con diversas especies de árbores a súa contorna, coidar dos seus xardíns e cultivar na súa horta.

Plantando un limoeiro

Plantando un limoeiro

O avó de Maia achegouse á Escola Infantil Monte do Alba de Vigo para plantar un limoeiro. Encántanos a implicación das familias nas actividades ambientais dos centros. Así se ensina, dando exemplo!.

Aprendendo a reciclar

Aprendendo a reciclar

Os máis pequenos do CEIP Manuel Rodríguez Sinde da Guarda aprenden a reciclar con estas estupendas papeleras. A separación de residuos é un dos bos hábitos ambientais que acompañarán toda a vida ao alumnado, se aprenden a realizalo correctamente desde as idades máis temperás. Estes son os pequenos xestos que marcan a diferenza.

Patrullas de limpeza

Patrullas de limpeza

Este grupo de alumnas voluntarias de 3º de ESO do CPR Miraflores de Ourense son todo un exemplo para a súa comunidade educativa. Esta actividade de limpeza de Montealegre despois do Magosto móstranos que non só é necesaria a acción directa, senón tamén a concienciación ambiental. Non podemos seguir enchendo de lixo os nosos montes!

O galiñeiro do Santa Mariña

O galiñeiro do Santa Mariña

O recreo é un momento estupendo para comprobar se as galiñas do CEIP Santa Mariña de Vigo puxeron ovos. Esta vez non houbo sorte, como puideron observar os alumnos máis curiosos do centro, pero como ben lles di Alberto, o coordinador deste marabilloso proxecto, tamén toca limpar o galiñeiro!.

Monte Vivo

Monte Vivo

O IES Ponte Caldelas, en colaboración coa Escola Forestal de Lourizán, leva cinco ano traballando no seu proxecto "O Monte Vivo" de custodia do territorio. A partir dos incendios forestais que cercaron ao centro en 2017, os alumnos e alumnas de Ponte Caldelas puxéronse mans á obra para reforestar con árbores autóctonas a súa contorna máis próxima. Os equipos de 2º de ESO, xunto cos estudantes do ciclo forestal actuando como monitores, viviron unha xornada de traballo colaborativo.

Unha horta de primeira

Unha horta de primeira

O CEIP A Doblada de Vigo presume de horta, e con razón!. A gran participación fai que cada ano crezan os espazos nos que gozar das actividades hortícolas. Os profes teñen que axudar coas cabazas, só hai que ver o tamaño!

Obradoiros ambientais

O CEIP Nº2 de Tui xa realizou ata dez talleres para dar continuidade ao seu proxecto ambiental "Naturaliza-T" iniciado no curso pasado: compostaxe, reciclado, actividades de horto, arte e natureza e ata colaboración das familias dentro deste completo e multidisciplinar programa ambiental. Un traballo incansable e dunha grandísima dedicación para ofrecer aos escolares de Tui o mellor na aula. Aquí vai o noso recoñecemento e noraboa!

Recollendo castañas

Recollendo castañas

Os alumnos e alumnas de 5.º e 6.º de Primaria do CEIP Paraixal saen a recoller castañas para o Magosto no monte da Buraquiña. Coñecer, coidar e valorar os espazos naturais da nosa contorna e gozar das súas riquezas é o primeiro paso para formar adultos responsables co medioambiente.

Instalacións de reciclaxe

Instalacións de reciclaxe

Ademais de desenvolver a súa creatividade utilizando elementos naturais para as súas composicións artísticas, os máis pequenos do CEIP Paraixal de Vigo gozan destas instalacións feitas con materiais reciclados dentro do seu proxecto de sustentabilidade.

A horta como ferramenta educativa

A horta como ferramenta educativa

Lucía, coordinadora do CEIP A Sangriña da Guarda, ensínanos as melloras na horta do centro. A horta como ferramenta educativa permítenos aprender experimentando, coñecer produtos autóctonos, promover unha dieta saudable e mesmo fomentar a participación de todo tipo de alumnado.

Setas en A Guarda

Setas en A Guarda

Na pequena biocenosis do CEIP As Solainas da Guarda xa saen até cogomelos debaixo das súas árbores. Unha charca, un invernadoiro e unha horta exterior e agora un pequeno coello chamado Oreo completan este espazo de biodiversidade. Aquí podemos ver un exemplar de Volvariella speciosa. José Antonio Díaz Núñez, membro do Comité Científico de Voz Natura e micólogo avísanos: "non se debe consumir, e pódese confundir con algunha amanita"

Unha chamada de atención

Unha chamada de atención

Unhas imaxes que nos fan reflexionar sobre a falta de civismo e a irresponsabilidade ambiental. Gonzalo, o coordinador do CPR Divina Pastora de Ourense, aquí acompañado da profesora do CPR María Inmaculada de Verín, Chiqui, (ambos sempre dispostos a coidar da natureza) retiran do Monterrei todo tipo de lixo despois do Magosto. Atá dous sofás e unha neveira!

O composteiro

O CEIP Antonio Fernández López de Oural fixo este estupendo vídeo para explicarnos o seu proxecto de compostaxe, non volo perdades!

Plantando sementes

Plantando sementes

Na Escola Infantil Fany de Narón levan anos sendo un referente de Voz Natura pola diversidade e calidade dos seus proxectos. Aquí podemos ver aos pequenos plantando sementes de cabaza na aula, e como dicimos sempre desde o Comité Científico... prohibido non tocar e prohibido non mancharse! As aprendizaxes vivenciais desde as primeiras etapas da educación son moi importantes.

Controlando os vertedoiros ilegais

Controlando os vertedoiros ilegais

O IES Vilar Ponche de Viveiro limpa e protexe a súa contorna localizando vertedoiros incontrolados e retirando o lixo que atopan ao seu paso. O río Landro ten a súa propia patrulla de mozos comprometidos co medioambiente. Concienciados e listos para a acción, todo un exemplo para a sociedade!

Halloween para unos, Samaín para otros, puente de Todos los Santos para la población entera. Y ello ha hecho que los centros en general y los que participan en Voz Natura en particular se hayan afanado la semana pasada en engalanar las paredes y desarrollar múltiples actividades con los alumnos. 

Que se lo digan si no a Uxía Quintela, profesora de la EEI San Roque de Viveiro. Los casi setenta alumnos se han lanzado, con el notable apoyo de sus familias, a diseñar y elaborar monstruos con la condición de que fuera con material reciclado. Así, tal y como suena, porque durante el curso van a trabajar con monstruos, incluyendo lectura de cuentos porque «para nosotros la biblioteca es muy importante, planificamos las cosas en torno a ella», en palabras de la profesora. ¿Y qué han hecho con tanto monstruo? Pues una exposición. «Y nos quedó muy chula», remata, con claro orgullo, Uxía Quintela.

Otros que, como por ejemplo, los 24 alumnos del CEIP San Cosme de Barreiros y también «gracias a la colaboración de las familias» (son palabras de su profesora Vanessa Bello) han reunido una amplia colección de calabazas con formas de casas de todo tipo (las hay con forma de nido para pájaros) dentro del proyecto «Abre a porta e verás».

También los más pequeños del CPR María Auxiliadora (los salesianos), en Ourense, realizaron  actividades medioambientales estos días. Quique Fernández, con los mayores, ya está pensando en futuras salidas para más adelante tras haber visitado la sierra de O Invernadoiro y llevar a cabo un roteiro por los aledaños de su ciudad con el fin de que los alumnos identificaran ecosistemas.

Tampoco pierden el tiempo en el CEIP de Vilarmide, en Muxía. Su profesora Estefanía Campos acaba de pedir el material para seguir adelante con lo que ya es una tradición por estas fechas: Cogumelandia, cultivando setas en el aula, algo en lo que participa el medio centenar de alumnos con que cuenta el centro, que nada más llegar en septiembre se encontraron con fresas en su invernadero escolar. «Podamos e imos plantar de novo», dice Estefanía Campos.

Un sombreiro de follas!

Encantounos esta actividade de creación do teu propio sombreiro con follas de castiñeiro que levaron a cabo no CEIP Santa Rita de Galdo. Unha maneira fantástica de estimular a creatividade dos alumnos, demostrar que eles mesmos poden facer máis do que se imaxinan e recapacitar sobre o noso consumo. Parabéns!

Ampliando a horta

Ampliando a horta

O CPI de Cervantes amplía a súa horta con novos bancales. Máis espazo para plantar e máis participación no centro lucense! Ademais contaron coa visita do programa da TVG, Cos pés na terra, para contar as súas experiencias.

Unhas cabazas de medo

Unhas cabazas de medo

Abre a porta e verás, así se chama este proxecto do CEIP San Cosme de Barreiros no que os alumnos e alumnas do centro lucense decoraron as súas cabazas con forma de casa. Ata atopámonos un niño de paxaros!

O CRA de Monterrei en O Invernadeiro

Coñecer é querer e querer é protexer! Os alumnos e alumnas do CRA de Monterrei visitaron o Parque Natural de O Invernadeiro en Ourense.

Celebrando o Outono

Celebrando o Outono

En Galdo recíbennos coa sabedoría dun castiñeiro cuxos froitos son ditos populares. O CEIP Santa Rita de Viveiro mantén vivo o noso patrimonio inmaterial e celebra o Outono tamén dentro do propio colexio.

A R sempre presente

A R sempre presente

Reduce, recicla e reutiliza! O CEIP de Cervo creou este estupendo espazo no centro para lembrarnos que os bos hábitos ambientais pasan polos detalles do día día. Aprender a separar os nosos residuos e reciclar é fundamental non só na aula, en todos lados e todos os días!

Plantando grelos

Plantando grelos

No CEIP Vista Alegre de Burela xa teñen plantados os grelos no seu invernadoiro, e como nos mostran na súa páxina web, tamén teñen claro que van facer con eles cando crezan. Ao rico grelo de Burela!

Roteiro Didáctico Ambiental

Roteiro Didáctico Ambiental

O CPR María Auxiliadora - Salesianos de Ourense cumpre un ano máis o seu compromiso co Parque Natural de Ou Invernadeiro realizando un dos seus roteiros didáctico ambientais por este espazo de gran valor. Non deixedes de visitar a súa páxina e coñecer este marabilloso proxecto multidisciplinar, que xa nos acompaña na súa decimoprimeira edición.

O viveiro do Albino Núñez

O viveiro do Albino Núñez

No invernadoiro do CEIP Albino Núñez de Ourense xa están as landras plantadas e preparadas para crecer. A creación dun viveiro de árbores é unha das nosas actividades favoritas, permite familiarizarnos cos coidados que require o noso sementeiro desde o inicio até o transplante dos exemplares ao monte.

Materiais para os máis pequenos

Materiais para os máis pequenos

Non deixedes de seguir o estupendo blog do CPR Pablo VIN Fátima da Rúa de Valdeorras. Un espazo pedagóxico no que seguir as aventuras dos máis pequenos do colexio. Ideas diferentes sobre materiais reciclados aos que todos temos acceso e son de gran utilidade.

Reciclando tapóns e pilas

Reciclando tapóns e pilas

O CPR Divina Pastora de Ourense ten o premio á constancia e dedicación. Durante todos estes anos da man de Voz Natura, nunca deixaron de realizar centos de actividades ambientais tanto no centro como na súa contorna. Non podemos nomealas todas aquí (sería imposible!), pero podemos dar testemuño das toneladas de tapóns e pilas, entre outras moitas cousas, que reciclan nun ano lectivo. Son todo un exemplo!

Concienciando en Francelos

Concienciando en Francelos

No CRA Amencer de Ribadavia teñen claro que non só basta coa acción directa sobre o medio, limpando a súa contorna de lixo e ecopatrullando no centro escolar, tamén é necesario concienciar a toda a súa comunidade. Un traballo estupendo de sensibilización ambiental.

Olivas e mazás

Olivas e mazás

O traballo empeza a dar os seus froitos no CEIP de Marcón, en Pontevedra. Mirade que estupendas olivas e mazás teñen as árbores do centro! Habitualmente recomendámosvos plantar froiteiros nos vosos espazos verdes, e se tedes dúbida... unha maceira sempre é unha boa opción!

Unha horta de aromáticas

Unha horta de aromáticas

Ano a ano vemos como crece o horto de aromáticas do CEIP de Monterroso, en Lugo. O alumnado deste centro está encantado con esta actividade e as familias tamén, sobre todo cando reciben os pequenos saquiños de aromáticas nas súas casas!

Coidando do río

Este ano o río Lor volverá estar en boas mans. O CPI Poeta Uxío Novoneyra de Seoane do Courel limpará as súas marxes e estudará a contaminación das súas augas, unha actividade que levan anos realizando.

Ideas para un invernadoiro

Ideas para un invernadoiro

Todos os anos tentamos mostrarvos ideas para crear o voso invernadoiro no centro. No IES Poeta Díaz Castro de Guitiriz levan anos traballando con esta marabilla feita con botellas de plástico recicladas. A reutilización de materiais non só abarata os custos do invernadoiro, senón que fai máis fácil o recambio de pezas, e ademais é unha actividade máis que facer cos vosos alumnos e alumnas! Todo son vantaxes!

Biodiversidade en calquera lugar

Biodiversidade en calquera lugar

No CEIP Lagostelle de Guitiriz atopámonos con este exemplar de Mantis religiosa na porta do colexio. Unha mostra máis da biodiversidade que temos a oportunidade de coñecer e valorar ó noso redor.

Tres mil troitas para o río Barbeira

Tres mil troitas para o río Barbeira

Os alumnos e alumas do CEIP A Lama de Pontevedra participaron na solta de tres mil alevíns de troita organizada pola Asociación Cultural Río Barbeira. Unha iniciativa que vos animamos a coñecer e imitar.

Cos pés na Terra

Cos pés na Terra

Os alumnos e alumnas do EEI Xela Arias de Sarria xa están a preparar as súas actividades ambientais. Fixádevos que recibimento ás portas do centro!

Ideas moi orixinais

Ideas moi orixinais

O invernadoiro de botellas de plástico recicladas é unha das ideas sobre as que máis nos preguntan os profes Voz Natura. Unha maneira estupenda de aforrar recursos, dar nova vida a materiais usados e obter grandes resultados. O hotel de insectos é outro gran exemplo de actividade orixinal para fomentar a biodiversidade do noso horto.

Seguimos colleitando

Seguimos colleitando

No CEIP Monte Baliño de Ferreira de Pantón continúan colleitando tomates. Moitos dos nosos centros saben que até outubro aínda poden sacar produción, e non perden a oportunidade!

Recollendo a colleita

Recollendo a colleita

Neste comezo de curso, unha das actividades que máis se repite nos nosos centros Voz Natura consiste en colleitar, como no caso do CEIP Xosé Manuel Folla Respino de Vilamartín de Valdeorras, os tomates, pementos ou berenxenas plantados na tempada estival. Non hai mellor maneira de volver ao cole!

COMEZA O CURSO!

COMEZA O CURSO!

As visitas do Comité Científico polos 368 centros participantes comezan o 12 de setembro. Bo comezo de curso!

Síguenos en nuestras redes

¡No te pierdas nada!