Voz Natura, La Voz de Galicia

VOZ NATURA EN ACCIÓN

Coñece as nosas actividades

ACTUALIDADE

As nosas noticias ao día!

DESTACADO

ABERTO O PRAZO DE INSCRICIÓN NA PRÓXIMA EDICIÓN!

O REPORTEIRO

Visitamos os centros educativos e contámosvos as súas accións ambientais

Día Mundial da Vida Silvestre

O 20 de decembro de 2013, a Asemblea Xeral da ONU, no seu 68º período de sesións, decidiu proclamar o 3 de marzo como o Día Mundial da Vida Silvestre co obxectivo de concienciar achega do valor da fauna e a flora salvaxes.
A celebración deste día bríndanos a ocasión de celebrar a beleza e a variedade da flora e a fauna salvaxes, así como de crear conciencia acerca da multitude de beneficios que a conservación destas formas de vida ten para a humanidade.
Este día tamén nos lembra a necesidade urxente de combater os delitos contra o medio ambiente e a diminución de especies causada pola actividade humana e que carrexan consecuencias negativas de gran alcance no ámbito económico, ambiental e social.(Motivos recolleitos no Obxectivo de Desenvolvemento Sostible ( ODS) número 15 que se centra en deter a perda de biodiversidade).

Máis información: Nacións Unidas. Día Mundial da Vida Silvestre
Vídeo oficial

Día Mundial da Eficiencia Enerxética

O 5 de marzo é a data seleccionada pola comunidade internacional para conmemorar o Día da Eficiencia Enerxética. No actual escenario de cambio climático, esta efeméride cobra especial importancia, pois se refire á obtención dos mesmos bens e servizos enerxéticos, pero con menos recursos, menos contaminación, a un prezo inferior ao actual, xeradores de emprego e socialmente útiles.

A eficiencia enerxética exponse como unha das políticas de freo para o cambio climático e a consecución de cidades sostibles.

Máis información:
Obxectivo 7
Instituto Enerxético de Galicia
Comisión Europea. Enerxía

Día Internacional de Acción polos Ríos

Celébrase o 14 de marzo co obxectivo de coidar e protexer unha das principais fontes de auga limpa en todo o planeta, así como crear conciencia na poboación para o coidado e protección deste valioso recurso natural imprescindible para a vida.

Más información:
Acción por los ríos
Día mundial de los ríos

Finaliza o prazo para participar no próximo curso Voz Natura

Os centros participantes en Voz Natura que queiran seguir co seu proxecto o próximo curso e os que desexen participar por primeira vez deben ter en conta que hoxe é o último día de prazo para presentar as súas propostas de acción ambiental. As que resulten seleccionadas polo Comité Científico recibirán financiación da Fundación Santiago Rey Fernández-Latorre e comezarán a desenvolverse o próximo mes de setembro.

Día internacional do consumo responsable

Esta data foi establecida no ano 1962, grazas ao presidente John F. Kennedy que decretou que todas as persoas sen distinción de clases, tivesen dereito a gozar de certos beneficios como consumidor.

A partir de 1983, celebrouse por primeira vez este día e dous anos despois, establécese nas Nacións Unidas un decreto para a protección dos consumidores co obxectivo de reivindicar, recoñecer e lexitimar os dereitos destas persoas a nivel internacional e poder protestar contra os abusos do mercado e as inxustizas sociais e ambientais que menoscaban estes dereitos.

O Consumo Responsable implica un consumo ético, ecolóxico e social. A idea de celebrar este día é que as persoas asuman un rol protagonista para defender os seus dereitos e poder esixir produtos de calidade, que non danen a súa saúde, nin moito menos ao medioambiente.

ODS. Obxectivo 12

Día Internacional dos Bosques

En 1971 a Organización das Nacións Unidas para a Agricultura e a Alimentación (FAO) instaurou o 21 de marzo como o Día Forestal Mundial. En 2012, a Asamblea Xeral de Nacións Unidas o proclama Día Internacional dos Bosques.
Para darlle un carácter simultaneo á conmemoración, seleccionouse esta data porque coincide co inicio da primavera no hemisferio norte e o comezo do outono no sur.
Ao longo desta xornada, miles de persoas realizan plantacións e outras actividades para chamar a atención sobre a necesidade de preservar estes ecosistemas e loitar contra as agresións ás que ven sometidos, como os incendios e as deforestacións. A metade destes ecosistemas da Terra desapareceron e unha gran parte dos bosques primarios foron destruídos ou están ameazados pola extracción de madeira, os usos agrícolas ou gandeiros destes espazos, os encoros, a urbanización ou o cambio climático, entre outros factores.
Galicia é unha das principais potencias forestais de Europa, cunha superficie forestal arborada que representa o 48% do seu territorio (1.400.000 hectáreas). Máis de 120.000 hectáreas destas son consideradas superficie forestal certificada, o que coloca a esta comunidade á fronte do Estado en canto a xestión forestal sostible.
Foro das Nacións Unidas sobre os Bosques

Día Mundial da Auga

Desde 1993, cada 22 de marzo conmemórase o Día Mundial da auga en virtude a unha resolución da Asemblea Xeral de Nacións Unidas. O obxectivo é promover o uso razoable deste recurso e concienciar sobre os problemas que viven numerosas rexións do planeta pola escaseza de auga.

A auga é un recurso único, insubstituíble e limitado. Máis de 2.000 millóns de persoas non teñen acceso a auga potable de calidade e en cantidade suficiente.
É esencial para a supervivencia polo que debemos garantir a súa dispoñibilidade, xestión sostible e saneamento para todos.

Máis información:
ODS. Objetivo 6
Organización Mundial da Saúde
Portal da auga da UNESCO

Día Meteorolóxico Mundial

O Día Meteorolóxico Mundial conmemora a entrada en vigor, o 23 de marzo de 1950, do convenio polo que se creou a Organización Meteorolóxica Mundial. Un ano despois da súa creación, sería nomeada organismo especializado das Nacións Unidas co obxectivo de asegurar a cooperación en materia meteorolóxica.
A variabilidade do clima está a provocar, cada vez máis, fenómenos extremos que acaban con miles de vidas en diversas rexións do planeta. Por exemplo, entre 1956 e 2005, o número de desastres de orixe meteorolóxica, climática e hidrolóxica —o 90% do total das catástrofes naturais— multiplicouse por dez; con todo, a medida que mellorou a prevención sobre prognósticos, o número de vítimas mortais pasou de 2,66 millóns entre 1956 e 1965, a 0,22 millóns na última década.
Máis información:

Axencia Estatal De Meteoroloxía

MARZO // 2023

Lun

Mar

Mér

Xo

Ven

Sáb

Dom

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

PEGADA VOZ NATURA

Publica o teu traballo no noso mapa

PRÓXIMA EDICIÓN

EDICIÓNS ANTERIORES

COMITÉ CIENTÍFICO

Asesoramento e rigor científico grazas ao noso equipo de expertos

PATROCINADORES

Entidades que cren no noso proxecto

BLOGS

Experiencias Voz Natura contadas polos seus protagonistas

RECURSOS

Información e bibliografía